Discover

ចុង​ប៉ម ជារមណីយដ្ឋានបែបកែច្នៃមួយដែលមានទីតាំងស្ថិតនៅ ភូមិលេខ១ សង្កាត់កំពង់លាវ ក្រុងព្រៃវែង ខេត្តព្រៃវែងនិងមានចម្ងាយប្រហែល១គីឡូម៉ែត្រពីរង្វង់មូល​មិត្តភាព។​ ទីនោះភាគច្រើនប្រជាជនក្នុងតំបន់ចូលចិត្តទៅលេងទស្សនាគយគន់ទេសភាពថ្ងៃរៀបលិចថតរូបលេងនិងស្ទូចត្រីជាដើម។ហើយទីនោះក៏មានបងប្អូនលក់ជារបស់ហូបចុកសម្រាប់អ្នកដែលទៅលេងកម្សាន្តថែមទៀតផង៕  

ភ្នំឡែងកៅជារមណីយដ្ឋានទឹកជ្រោះដែលមានសម្រស់ស្រស់ស្អាតមិនចាញ់នឹងទឹកជ្រោះប៊ូស្រាប៉ុន្មាននោះទេទីនេះមានធនធានធម្មជាតិនិងជីវ:ចម្រុះ។ទឺកធ្លាក់ច្រើនដំណាក់បង្កើតបានជាសំលេងធម្មជាតិទឹកត្រជាក់ដូចទឹកអម្រិតហូរកាត់ផ្ទាំងថ្មដារួមផ្សំជាមួយ​សម្រស់ធម្មជាតិនៃព្រៃស្រោងសើមដុះតាមជ្រលងភ្នំសងខាងមាត់ជ្រោះលប់ទៅដោយដើម​ស្លាព្រៃនិងរុក្ខជាតិផ្សេងទៀតដែលគួរឱ្យចង់ទៅលេងកំសាន្ត។ទឹកជ្រោះនេះស្ថិតនៅភូមិអណ្តូងក្រឡឹង ឃុំសែនមនោរម្យ ក្នុងស្រុកអូររាំង ខេត្តមណ្ឌលគិរី។    

ភូមិពូតាំងជាភូមិដែលមានប្រជាជនភាគច្រើនជាជនជាតិភាគតិចដែលស្ថិតនៅសង្កាត់រមនាក្រុងសែនមនោរម្យខេត្តមណ្ឌលគិរី។នៅទីនោះគឺអ្វីដែលគ្រប់គ្នាមិនគួររំលងពេលបោះតង់។ភូមិពូតាំងគឺជាកន្លែងទេសចរណ៍មួយទាក់ទាញខ្លាំងសម្រាប់អ្នកបោះតង់ដែលមានទេសភាពស្អាតនិងព្រមទាំងអាចអង្គុយមើលថ្ងៃលិចនិងថ្ងៃរះយ៉ាងមានក្ដីសុខធ្វើអោយរំសាយទុក្ខតាមថ្ងៃលិចអស់មួយរំពិច៕ជាពិសេសអ្នកដែលចូលចិត្តបោះតង់លក្ខណៈគ្រួសារគឺស័ក្តសមបំផុត៕

សួនសត្វ អូទ្រីសមានទីតាំងស្ថិតនៅ ឃុំ​ដាក់​ដាំ​ ស្រុក​អូររាំង​ ខេត្តមណ្ឌលគីរី និងមាន ចម្ងាយប្រហែល ~20km ពីរង្វង់មូលគោព្រៃ។ សួនសត្វជាសួន អូទ្រីសជាសួនសត្វ ដែលមានភាពទាក់ទាញអោយភ្ញៀវទេសចរ ចូលមកទស្សនាមើលសត្វ អូទ្រីសដែលមានជាង ២០ក្បាល ទីនោះភ្ញៀវទេសចរក៏អាចស្សនាទេសភាពព្រៃភ្នំ ដើរទស្សនាកសិដ្ឋាន គយគន់ថ្ងៃលិច ដើរលេងដោយថ្មើរជើងកម្សាន្តតាមបែបជនបទស្រុកស្រែ និងរបៀបមើលថែសត្វ​អូទ្រីស​​យ៉ាង​យកចិត្ត​ទុកដាក់​ពី​អ្នកមើល​ថែ​។ អ្នកខ្លះមិនដែលបានឃើញអូទ្រីសអាចសាកចូលទៅទស្សនាបានណា។  

ទឹកធ្លាក់ ដាក់ដាំ ស្ថិតនៅក្នុងប្រភេទរមណីយដ្ឋាន ទឹកជ្រោះឬទឹកធ្លាក់ និងទេសចរណ៍ បែបធម្មជាតិ។ សម្រាប់ចំណុចសំខាន់ៗ ក៏ដូចជាភាពទាក់ទាញនៃរមណីយដ្ឋានទឹកធ្លាក់ ដាក់ដាំ ដែលអាចធ្វើអោយភ្ញៀវទេសចរមានចំណាប់អារម្មណ៏នោះ មានដូចជា លេងទឹកឬហែលទឹក រៀបចំអាហារដោយខ្លួនឯង ទស្សនាទេសភាពព្រៃភ្នំ និងចំណុចផ្សេងៗទៀត។ទឹកធ្លាក់ ដាក់ដាំជារមណីយដ្ឋានធម្មជាតិដែលមានទេសភាព និងបរិយាកាស ពិតជាស្រស់សាយ ហើយទីនោះមានកញ្ចុះដាច់ៗពីគ្នាសំរាប់អង្គុយលេង ឬបរិភោគអាហារ ជួបជុំគ្នាទៀតផង។ សម្រាប់ការធ្វើដំណើរដើម្បីទៅដល់ទីតាំងនៃរមណីយដ្ឋានទឹកធ្លាក់ ដាក់ដាំ ភ្ញៀវទេសចរត្រូវធ្វើដំណើរថ្មើរជើងចម្ងាយប្រហែលជា ១០គីឡូម៉ែត្រ។